jump to navigation

Manyambuang Bahasan PSAK 50 jo 55 October 16, 2008

Posted by ropeh1 in Topik Hangat.
Tags:
trackback

Assalamu’alaikum Uda Leknor,

Awak maraso tersanjung samo pandapek Uda, karano email nan awak kirim mengenai PSAK 50 & 55 itulah mako milis awak ko agak heboh dari biasonyo.
Tapi awak tertarik membahas lanjutannyo da “…karena diminta Fayadri di saat yang gak tepat. Saat aturan ini terbukti gak bisa menangkal atau malah berbuah krisis….”
Kalau memang aturan tu dinilai (terbukti) ndak bisa menangkal atau malah berbuah krisis, apo ndak labiah tapek kalau kito samo-samo batanyo atau maagiah masukan ka Dewan Standar Akuntansi Keuangan (DSAK) – Ikatan Akuntan Indonesia (IAI) nan sudah mengeluarkan PSAK No. 50 & No. 55 tu, untuak diterapkan mulai 1 Januari 2009 nanti. Jan sampai lupo pulo partanyaan/masukan itu awak sampaikan ka BI nan dengan samangaik 45 manyetujui penerapan PSAK tsb (dikantokannyo PSAK 50 & 55 ko standar akuntansi nan bakualitas tinggi nan sudah balaku luas dan diyakini dapek maningkekkan kualitas pengambilan keputusan bagi pambaco laporan keuangan), bahkan maminta bank-bank supayo segera mempersiapkan diri menerapkan PSAK 50 & 55 tu lengkap samo action plan dari masing-masing bank ditambah laporan rutin perkembangan persiapan dari bank tu. Baa manuruik uda Leknor tu?
Kalau mangenai aturan marked to marked nan kini dibuek flexibel, awak manilai itu karano pemerintah sudah ikuik panik…apo keinginan pelaku pasar modal cubo dikuti, dengan harapan kondisi pasa dalam negeri bisa dibuek agak tanang…biar harago obligasi pemerintah ndak taruh turun, bia perbankan dan lembaga keuangan bisa agak lapang angoknyo seketek.
Kalau dibaco berita mengenai penutupan Bursa Efek Indonesia hari ko, itupun terjadi karano diminta oleh para broker…supayo BEI ndak makin ancur, sasudah mereka mancaliak betapa ancurnyo index amerika dan eropa tadi malam samo batumbangannyo indek di japang tadi pagi nan bukak labiah dulu dari jakarta. Padahal tadi malam alah ado statemen resmi baraso hari jumat ko perdagangan di BEI akan dibuka normal baliak.
Dalam beberapa hari ke depan samo-samo awak caliaklah, apokan BI ka ikuik manurunkan BI rate nan baru hari Selasa tanggal 7 patang inyo naiakkan dari 9.25% ka 9.5%. Kalau memang tajadi, mungkin lah buliah awak bakato kalau BI tu lah samo pulo jo The Fed (bank sentralnyo Amerika). Kalau awak caliak, mulai Januari 2008 fed tu lah tunduak pado keinginan pasa supayo fed rate diturunkan, jadilah fed itu turun dari 3.50% (22 Jan 2008) sampai 1.50% (08 Okt 2008)…penurunan tanggal 8 patang adolah penurunan mendadak, emergency, samo2 jo bank sentral lainnyo. Padahal manuruik jadwalnyo FOMC meeting untuak mamutuihkan bara suku bunga Fed tu harusnyo baru ka diadokan tanggal 29 Okt nanti.
Alasannyo BI manaiakkan BI rate patang tu katonyo untuak manahan laju inflasi & manahan depresiasi rupiah. Tapi samo-samo awak caliak apo nan tajadi, para pengusaha tapakaiak sadonyo..mambayangk an makin bareknyo beban bungo nan harus ditangguang di tangah kondisi nan sarupo iko. USD/IDR nan diharapkan untuak bisa agak tanang ternyata malah tetap liar, ikuik gerakan mata uang lain. Sahabis jumat ko di pasa spot antar bank USD/IDR tu lah pacah 10.000 , tapi sasudah itu turun baliak…kemungkina n besar bank sentral intervensi. Pertanyaannyo kini, sampai bilo BI takao malakukan intervensi? bara banyak ‘peluru’ nan dipunyo BI untuak manahan gejolak USD/IDR tu?
Ngeriiii…untuang bisuak lah Sabtu, lumayan ado wakatu 2 hari untuak bisa saketek tanang…bisa manonton kualifikasi Piala Dunia sambia maisi ulang baterai jantuang & mangendorkan urek-urek saraf, untuak siap2 lai dihoyak minggu depan.

Have a nice weekend, 

Fayadri
96153066

Comments»

No comments yet — be the first.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: