jump to navigation

Tanggapan…… October 16, 2008

Posted by ropeh1 in Jawaban Pertanyaan.
Tags:
trackback

Assalamualaikum Wr Wb.

Sato lo lah ambo marami-an lapau ko saketek. Ado babarapo hal nan manarik dek ambo dari carito di milist ko tigo hari belakangan.
Partamo pernyataan dari sdr. Fayadri nan mangutip kecek salah satu dosen awak katiko kuliah dulu nan salalu mangecek-an ³akuntan publik tu pangicuah kasadonyo². Ambo indak satuju jo pernyataan tu sabab itu meng-generalisasi kasado akuntan publik adaloh pangicuah, banyak nan tasingguang beko. Bukan karano ambo mantan auditor (kini alah pensiun baa kecek pak Leknor), tapi indak usahlah men-cap kasado urang di profesi tu pangicua, apo lai indak pernah bakarajo di KAP atau hanyo punyo pengalaman di level pelaksana, alun di manajerial atau decision maker atau tando tangan di opini nannyo buek. Urang2 di KAP ko ado nan itam, ado nan abu2 dan ado juo nan putiah. Samo juo jo profesi lainnyo, pengacara, konsultan pajak, PNS, pegawai swasta, dosen, guru, bankir, de el el. Dampaknyo, beko banyak adiak2 awak nan kini masih kuliah indak namuah bakarajo KAP lai, padohal value added-nyo banyak sarupo nan dirasoan dek Pak Leknor atau Pak Doddy Masykur atau nan lain2 nan nilai jua-nyo maningkek pesat katiko ³pensiun² dari KAP.

Kaduo, kalau akurasi laporan keuangan nan diharok-an dek publik indak bisa digantuangkan ka opini dari KAP sajo. Prinsip fairness tu kan karano KAP tu indak bisa men-cek kasodo transaksi perusahaan tu nan jumlah filenyo bisa panuah ciek kamar atau ciek rumah. Bisa sajo sabananyo, tapi nio ndak perusahaan nan diaudit tu mambayia fee KAP ko 10 atau 100 kali lipek dari nan biasonyo. Makonyo prinsip materiality jo fairness ko ka dipakai juo jadinyo. Jadi instrument (standard, framework) dan lingkungan indak takaik langsuang jo independensi auditor tu.

Sabananyo banyak nan ka dikomentari, tapi beko makin paniang lo awak mamikia-an dampak krisis finansial global ko.

Baa kalau kini dibahas nan lain. Sebagai lawan dari rezim ekonomi kapitalis ko adolah ekonomi syariah. Negara2 nan berbasis ekonomi syariah sarupo di Timteng kini haniang2 se-nyo, bukan karano lagi banyak kepeing dek minyak maha kapatang ko, tapi karano inyo indak sato mambali surek2 hutang nan dikalua-an dek urang2 di nagari ajo Bush tu. Ekonomi syariah kan indak mengenal nan namonyo instrument derivatives, sabab instrument tu hampia sadonyo basifaik judi dan spekulasi. Ko kan indak, banyak bankir2 disiko nan sato pulo mambali. Tahun lalu, salah satu mantan klien ambo, bank plat merah juo, satu lo mambali produk CDS (credit default swaps) tu hampia Rp 2 triliun. Caro mancatat produk tu ajo di pembukuan inyo alun mangarati, ala nyo bali sabanyak tu. Kini ndak tabayang dek ambo bara kerugiannyo (untuang ambo indak disinan lai..he..he. .). Bacolah Kompas hari ko, CDS ko salah satu nan mambuek malapetaka dunia finansial global tu.

Ya, kini mulailah dari nan ketek ajo dulu, alah awak malatak-an pitih awak
atau mamindah-an hutang awak ka bank syariah?

Kan alah jadi pelajaran tu dari ekonomi kapitalis, mulailah dari kini pindah
ka ekonomi syariah.

Ado pandapek lain?

Wassalam
Syafma Riadhi (Edhi) – Akt 91
Pensiunan external auditor

Comments»

No comments yet — be the first.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: